I lunghi corteggiamenti del passato

Ritorna l’appuntamento con la nostra Ghitin, che oggi ci regala il suo ricordo della storia d’amore con Trumlin, aitante giovanotto con un passato in Argentina. L’autore Piermario Fraire, in arte Papà Lice, rievoca attraverso la memoria dell’anziana revellese, una gioventù fatta di lavoro nei campi e lunghi corteggiamenti amorosi.

Canta a ijeru giù, ma pròpi giù, stasiun ën campagna é sè gijùtau on con l'autr a fënè, dëspoijé mélia é dijéti travaiòt. Trumlin fiòl ëd Gustin l'Argéntin stasija a Sacabunèl é a ijéra pròpi ën bél fiòl, grand, scur ëd carnagiun, con i caveij ner sempre a post con la brillantina, simpatic (nén bruntulun coma ùra).

Sò paré a lo ciamau l'Argentin përchè ijéra ëndait a fé fortuna a Rafaela (na cità dl'Argentina) canta lé turnà a la catà na bèla cà é la a lè pi nèn turnà. Trumlin con la sua bici nòva, rusa coma ël fò, fasija ël gàlétù fanfarun ma sémpré con ël bélé manéré. Ënsoma ca, vén na séra vén auta a dëspòié mélia sota la cùrmà ca la nòstra bèla stòria lé còminsà, còn la stòria ëd vèni a giutésé sé sétava sémpré visin a mi é sicumé për riparésé da la barba dla mèlia butau slé gambè ën gròs fiurè, chièl nè aprofitava për sfiurémé i ginuij. Ma tut li, për carità! Mi cò vòs, a ijero giù, i fasiu ijòi dus!

Ma...soma nén scapaijé a mé paré ca sénsa fésé ughi sé tënia doij é ën bél di a la ciapalo da part è la dijè: «Scutmé bin, mé bél Trumlin, mi ëd vòi tanto bin ma son pa fòl a lai vist ca fas la rua a Ghitin ò févè ël còse coma sdòu ò faté pi nèn ughi da sté part”. E con sò ël dëscurs a lé sarà! va bin?».

Trumlin sël momént lè stai ën pò blocà ma pò, rasonand, a la capì ca ijèra mèi nén fè ël gadàn, la parlané a cà con i sò é la stòria da li ën po' lé continuà.

Soma frequéntasé për ën bél an, pò lé partì për ël servisi militar e, canta lè rivà, la famé cognusi sò paré è sua marè, a la portamé da si é da là, findia a ughi ël carlévè ë Saluse! Chè ë gent, ché colur ché blëssa! Ma vlù contu pò nauta vòta. Alè staijta n'avvèntura!

Për ora vé saluto, a lé a la pròssima, la vòstra quasi giuvinòta Ghitin.

Papà Lice