Il corteggiamento di Trumlin continua Al Carnevale Ghitin rimane sbalordita

Piermario Fraire, nom de plume Papà Lice, rievoca un lontano Carnevale di Saluzzo attraverso il suo personaggio, Ghitin, ospite dalla casa di riposo di Revello, racconta di quella volta che, fidanzata con Trumlin, aveva vissuto un’intera giornata di baldoria, tra stand gastronomici e ruota panoramica. Con qualche imprevisto sulla via del ritorno, in moto...

A jera l'an 19....

.... òrmai dop ca iéra rivà dal servisi militar é ijéru fidansasé, Trumlin ën bél di ai primi ëd fërvè la dimé: Ghitin duminica té pòrtu a ughi ël carlévè ëd Saluse. Mi a jiéru mai ëndajta, a laviu mac sémpré sëntuné parlè. Sun préparamé ël cutin tut plisètà, la cruata ëd lana é ël paltulin, paréi sun dimé, piand la còrriera réstu pi disgénà ën ti muvimét anche dòpu ën mésa a tanta gént.

La duminica dël carlèvé, subit dòp mangià disnè, a lai séntù ën rumur ën tla curt... savij pa cò diauv a fusa... suma curù fòra ëd lus é li ijéra Trumlin cun na mòtu nòva fiammanté: na Gilera 125! Altrò chè curriera... Mi saviu nén cuma sé muntava li ënsima, a laviu findia pur, parluma nén a sistémè ël cutin plisétta. A la fin suma parti e cò bin arivà. Ché gent!, còriandòli, pérsuné maschèrà, Ciaférlin cun la cavagna é la Castéllana régina dla fésta pasau ën mésa dla gént ën sima na caròsà tira dai dui cavai. Da na part é da lauta ëd Via Silvio Pellico laviu sistémà tanti sgabiòt ca ciamau “stend”, e li tuti sé férmau a bèvi é a mangè. Trumlin a stirava pa ën darè ma mi a jeru sagrinà pérchè pénsau a turné a ca sla Gilera 125. Suma ën cù ëndait slé giòstré, a la famé munti ënsima a la rua ca ëndasia auta auta é dandaniava tuta. Saluse a lé già béla ma da lasù lé n'incant.

Ringrasiand vér séra suma ëndai ricuperè la mòtu é suma partì pién ë còriandòli é cò ë vin, la giurnà a ijéra béla ma fréda pèrò ël pi bél duvia ën cu rivè!! Canta suma stait al punt ëd Po lé sautajé fòra n'arias ca fasia tramulè la mòtu é subit dòpu a la tacà a fiuchè, ën tën mumént a lè calainé tanta ma tanta ca suma duvusé férmè suta la curmà ëd na ca. Finalmét lan pasà ël lësun é suma pudù ëncaminésé adasiòt adasiòt. Canta suma rivà a laviu i candlòt tacà al frangè dla cruata, ël man ca fasiu la bujia é ël cutin tut struciunà: òh chè giurnà!

Tut sumà a ca, san e salv suma rivà, e dël carlevè a pare e mare tut a lai dovù cuntè. Ura vé salutu perchè sun ën po' stanca a ricurdè sté còsé tantu ën daré dël témp.

Ghitin