Ghitin e Trumlin: che bela surprésa!

Che emozione questa settimana: dopo oltre due mesi la nostra Ghitin e il marito Trumlin ricevono una visita completamente inattesa. Piermario Fraire, “nome di piuma” Papà Lice, ci regala una nuova puntata, in rigoroso e brillante dialetto, delle vicende che si svolgono alla casa di riposo di Revello. Con un’anticipazione sulla prossima avventura…

Dai coragé,

......smija ca pian pianòt ritornuma a la normalità anché sé toti i dì a ije na novità. Dòpu l'ésperiénsa dël cabarèt ca sé ënvisca e la famija a lé li ën béla vista, a lan trované nauta. Stasì a lè pròpi béla, l'infërmièra con sò discrèt soris la piamé sota ël bras é la dimé: Ghitin vén con mi ca jé na surprésa për ti é tò Trumlin. Tota émosiuna sun ëndaita sërchè Trumlin ca coma ël sòlit a ijéra ën camin ca fasija na partia a trésèt con dijéti tré coma chiél, la fai mila stòrie pò finalmént la ausa él darè da la cadréga é lé ëncaminasé bin visin a mi!.

Pian pianòt soma ëndai giù al fons dël coridor é al pòst dla grisa pòrta a ijéra sistèmà ën védér ca védér lé nén, ughés da lauta ma pòs nén travérselu, cò diau sarà mac sta nòvità? Soma stait li férm quasi sbujì canta a loma vist Carlo, nòstr fiòl, ca sé vardava, sè pròpi chiél ën përsona! Chè émosion! Còn ijoj pijén ëd lacrimé soma vardasé a loma posà ël man sël védér contra ël sué é ël còr a la tacà a bati fòrt fòrt. A la disé tanté còsé ma lé dificil da capì, dauta part sëntoma cò nén tantu bin!

Altru ché ël cabarét ënluminà, Carlo a ijera pròpi li bél soridént è contént ë vëdisé ën bona saluté. La disé la prossima vòta ai vén pò Rosa é dop la novodina. La contasé tot lònca lé capitaijé e ël motiv ca a lan pi nén podù intrè a fésé visita.

Findia ël sindic dël pais a la scrit paròle ‘d ringrasiamént a tuta l'aministrasion ëd la strutura për coma sun comportasé évitand ca ël përsoné si òspità vënéisu contagià. Soma salutasé, pò ògnun a malincòr la pià la sua strà però sicuramént toti pi rilassà.

Ah, ma ora ca va tot ën pòc pi bin la pròssima vòlta vé conto pò coma a lai cognusu mé Trumlin, ënlora se… a ijero giù, beij e spensierà!

Ora davanti a sta muraija trasparènté comé ël nòstre lacrimé lasoma ël pòst a diéijti. Vèn Trumlin dame brasëtta, e piura nén!!!..

Ciao a tuti.

La vostra gioijosa Ghitin