Revello, abbracci e vaccini al ricovero

A Papa Lice è tornata l’ispirazione. E così riappare sulla Gazzetta la rubrica di Ghitin, che racconta vicende e pensieri dalla casa di riposo di Revello.

Ciau a tuti, coma na surpresa da ën drinta l'òeu sun turnà, sé: sun pròpi mi la vòstra Ghitin, ën pòpì vèjia ma con la tèsta ën co bastansa a pòst. Lè pasajè Pasqua, lè pasajè cò Natal, lè turnajè Pasqua ma soma sèmpre si al pian di babi coma stan-pasà, ma fòrse riturnuma masnà përchè soma turnà vacinà.

Mi son sèmprè si ën tla strutura ën sèma al mè bèl Trumlin, cuculà è bin suagnà da tote lè infermièrè ca, tuca dilu, a lan na pasiènsa sènsa sèns. Stan, dòp lè visitè con ël tèlèfono ca sè ugh cò chi jè da lauta part, lan portà ën tla strutura na spèciè ‘d tènda con ël murajiè trasparèntè, lan fasè intrè con mila prècausiun... chè emusiun! Mè smiava dèsi ën Paradis, tut lònli ca sfriciulava è svulasava mè fasia ën pò inpressiun.

Tra mi disiu “ma sarai pa mòrta?” Ma la pur le mac durà na minuta canta lai vist dare' dël tèlo trasparènt mè bèl fiòl, è soma pura ëmbrasasè, la dimè tantè cosè ma mi ën t'lèmusiun sun pa stajta buna a dijè nièntè, lai mac sèmprè piurà e rasicuralu ca mi è Trumlin stasiu pi chè bin. Sè manca tanto don Raso, e tuti jieiti amis ca purtrop a lan pià la strà dël çiel. Chissà che ëd puesie lavria scrit sla pandèmia! Mi l'aviu vist la guèra, la pur, i bumbardamènt, la fam, masna da ënlevè, distrusiun, ma a na còsa coma sta si, duvei girè semprè maschèrà, ën tla vita a laviu ën cu nèn provà.

Va bin stè tranquij vusiu mac fève ji auguri da la nòstra cumbriccula… Trumlin, la maestra Clara, Madlinin, tuti jièti òspiti, ël përsonal, la dirèsiun è cò mi, la vòstra Ghitin ca vè manda ën sac ëd basin.